વસુધા/તુજ પગલી
Revision as of 10:31, 14 September 2022 by MeghaBhavsar (talk | contribs) (Created page with "{{SetTitle}} {{Heading|તુજ પગલી| }} <poem> તુજ પગલી ઢૂંઢંતાં પ્રભુજી :: ભમુંભમું હું ગલી ગલી! :: જગતનગરની ગલીગલી! ગગનભુવનની શેરીશેરીએ, તેજતિમિરની દેરીદેરીએ, :: રખડું ભટકુ ગલી ગલી! જગતo અંબરચુંબી મહેલ મેડીએ,...")
તુજ પગલી
તુજ પગલી ઢૂંઢંતાં પ્રભુજી
ભમુંભમું હું ગલી ગલી!
જગતનગરની ગલીગલી!
ગગનભુવનની શેરીશેરીએ,
તેજતિમિરની દેરીદેરીએ,
રખડું ભટકુ ગલી ગલી! જગતo
અંબરચુંબી મહેલ મેડીએ,
ઘન વનવનની ગીચ કેડીએ,
તલસત ભટકું ગલી ગલી! જગતo
કોમળ કોળત તરુ કૂંપળિયે,
પરિમલ પૂર્યા પુષ્પ પગથિયે,
અથડું ભટકું ગલી ગલી! જગતo
મનમનની હોરી વલ્લરીએ,
જનજનની અંતર ઓસરીએ,
મૂર્છિત ભટકું ગલી ગલી! જગતo