અર્વાચીન ગુજરાતી કાવ્યસંપદા/હસિત બૂચ/નિરંતર
Revision as of 07:30, 12 July 2021 by MeghaBhavsar (talk | contribs)
નિરંતર
હસિત બૂચ
એક નિરંતર લગન;
અમે રસ પાયા કરિયેં!
એકબીજામાં મગન :
અમે બસ ગાયા કરિયેં!
કોઈ ચાંગળું લિયે, પવાલું
કુંભ ભરે, જો રાજી!
કોઈ કરે છો ને મુખ આડું,
ને ઇતરાજી ઝાઝી!
છાંય હોય કે અગન :
અમે રસ પાયા કરિયેં!
સફર મહીં હો ઉજ્જડ વગડો,
કે નગરો ઝળહળતાં,
યાળ ઉછાળે ખારો દરિયો,
કે ઝરણાં ખળખળતાં,
હવે મુઠ્ઠીમાં ગગન!
અમે બસ ગાયા કરિયેં!
(નિરંતર, ૧૯૭૩, પૃ. ૩)