ગુજરાતી ટૂંકી વાર્તાકોશ/અ/આ એક ખંડ

આ એક ખંડ

ભારતી ર. દવે

આ એક ખંડ (ભારતી ર. દવે, ‘પરબ’ - સપ્ટે. ૨૦૦૦) અનુભાઈ શેઠનો દીવાનખંડ આજે લગભગ સૂનો-નિર્જીવ છે પણ એક સમય એના માલિકની જેમ એની પણ જાહોજલાલી હતી. ‘યશોમહલ’નો આ ખંડ સિતારના સૂર અને ગાયક કલાકારોની ગાયકીથી ગુંજતો હતો પણ વળતા દિવસોમાં અનુભાઈ અને એમનો આ ખંડ એકલવાયા થતા ગયા છે. એમાં વળી, પુત્ર-પરિવાર વિદેશ ચાલ્યો છે. દીવાનખંડની ગઈ કાલ અને આજના તાણાવાણાથી વાર્તાકારે વીતેલી ભવ્યતા અને વર્તમાન નિષ્પ્રાણ જીવનનું હૃદયસ્પર્શી આલેખન કર્યું છે.
ઈ.