કાવ્ય-આચમન શ્રેણી – મનુભાઈ ત્રિવેદી/તમે રે સોનું

૨૯. તમે રે સોનું

તમે રે સોનું ને અમે રાખ,
રાણાજી, અમને રાખે મળ્યા છે સવા લાખ.

રાખે ભભૂતધારી તનડું બનાવ્યું,
⁠ જીવતા બનાવ્યું એને ખાખ;
રાખે રમીને રમતલ રાજા નિહાળ્યો,
⁠ હૈડું પૂરે છે એની શાખ.
રાણાજી, અમને રાખે મળ્યા છે સવા લાખ.

રાખે રગડી ને મનની માંડ ઉજાળી,
⁠ ઝીણી ઝબૂકે લખ આંખ;
મીરાંબાઈ કહે છે રાણા, સૂર સરોદે,
⁠ આંખો બની છે પંડ પાંખ.
રાણાજી, અમને રાખે મળ્યા છે સવા લાખ.

⁠(સુરતા, પૃ. ૫૯)