સાહિત્ય પલ્લવ – ભાગ ૧/જમનાનાં પાણી

૩. જમનાનાં પાણી

કોણ ભરે રે પાણી કોણ ભરે,
⁠જમનાનાં પાણી કોણ ભરે?
ઘર મારું દૂર, ગાગર શિર ભારી,
⁠અરે ખોટી થાઉં તો ઘેર નણદી વઢે. જમનાનાં૰
શિર પર કળશ, કળશ પર ઝારી, ૫
⁠ઝારી પે બેઠી ઝારી મોજ કરે. જમનાનાં૰
આણી તેડે ગંગા, પેલી તેડે જમના,
⁠વચમાં કાનુડો રંગ રાસ રમે. જમનાનાં૰
સાવ સોનાનો મારો ઘાટ ઘડુલો,
⁠ઉંઢણીએ તો કનક રત્ન જડે. જમનાનાં૰ ૧૦
મીરાં કે પ્રભુ ગિરધરના ગુણ,
⁠ચરણકમળ ચિત્ત ધ્યાન ઠરે. જમનાનાં૰