અર્વાચીન ગુજરાતી કાવ્યસંપદા/બકુલેશ દેસાઈ/પગરવોની પાનખર
Revision as of 06:04, 20 July 2021 by MeghaBhavsar (talk | contribs) (Created page with "{{SetTitle}} {{Heading|પગરવોની પાનખર| બકુલેશ દેસાઈ}} <poem> ::::::::::::::એમના આવ્યા વગર, ::::::::::::::...")
પગરવોની પાનખર
બકુલેશ દેસાઈ
એમના આવ્યા વગર,
લો, ટકોરા દ્વાર પર!
વેદના છે ઘાવમાં,
ફૂંકની કેવી અસર!
પથ્થરોથી ચેતજો!
કાચનું આ શ્વાસઘર!
આંખ તો લાગ્યા કરે,
આંસુઓનું માનસર!
સાદ કોને પાડવો?
જે દીવાલોનું નગર!
નેજવે બળતી પળો :
પગરવોની પાનખર!
શ્વાસના આકાશમાં —
રક્તવરણી છે ટશર.
(અવાન્તર, ૧૯૮૩, પૃ. ૩૫)