અર્વાચીન ગુજરાતી કાવ્યસંપદા/ઉદયન ઠક્કર/કુમળી હથોડી
Revision as of 12:46, 21 July 2021 by MeghaBhavsar (talk | contribs) (Created page with "{{SetTitle}} {{Heading|કુમળી હથોડી|ઉદયન ઠક્કર}} <poem> કઈ તરકીબથી પથ્થરની કેદ તોડી છે...")
કુમળી હથોડી
ઉદયન ઠક્કર
કઈ તરકીબથી પથ્થરની કેદ તોડી છે?
કૂંપળની પાસે શું કુમળી કોઈ હથોડી છે?
તમારે સાંજને સામે કિનારે જાવું હો,
તો વાતચીતની હલ્લેસાં-સભર હોડી છે.
સમસ્ત સૃષ્ટિ રજતની બન્યાનો દાવો છે,
હું નથી માનતો : આ ચંદ્ર તો ગપોડી છે!
ગઝલ કે ગીતને એ વારાફરતી પ્હેરે છે :
કવિની પાસે શું વસ્ત્રોની બે જ જોડી છે?
(એકાવન, બીજી આ. ૧૯૯૦, પૃ. ૨૫)