ઋણાનુબંધ/આભનો ભૂરો રંગ
Revision as of 09:58, 19 April 2022 by KhyatiJoshi (talk | contribs) (Created page with "{{SetTitle}} {{Heading|આભનો ભૂરો રંગ|}} <poem> આભનો ભૂરો રંગ ને મારા ફૂલનો લાલમલાલ, રંગ...")
આભનો ભૂરો રંગ
આભનો ભૂરો રંગ ને મારા ફૂલનો લાલમલાલ,
રંગની લીલા જોઈને મારાં નેણ તો ન્યાલમન્યાલ.
રાતનું વહેતું શ્યામ સરોવર
એમાં નૌકા શ્વેત,
સમજું નહીં કે ચાંદ ઊગે
કે ઊગતું કોઈનું હેત,
આજ તો મારી સાવ સુંવાળી: લીલમલીલી કાલ,
આભનો ભૂરો રંગ ને મારા ફૂલનો લાલમલાલ.
પવન પોતે વૃક્ષ થઈને
ડોલતો રહે હરિયાળું,
મનમાં હવે ક્યાંય નથી કોઈ
સપનું કાળું કાળું.
ગમતીલા ગુલાલમાં વેરે કોઈ તો વહાલમવહાલ,
આભનો ભૂરો રંગ ને મારા ફૂલનો લાલમલાલ.