ગુજરાતી ટૂંકી વાર્તાકોશ/અ/એક સાંજની મુલાકાત

એક સાંજની મુલાકાત

એક સાંજની મુલાકાત (ચંદ્રકાન્ત બક્ષી; ‘એક સાંજની મુલાકાત’, ૧૯૬૧) બંગાળી મકાનમાલિકની પત્ની શોભા સાથે નાયક ક્રમશઃ સંબંધ કેળવે છે અને એકાંત-મિલનની ઝંખના સેવે છે. શોભા સામે ચાલી એવી તક પૂરી પાડી નાયકને પૂછે કે એની પત્નીને મળવા કોઈ માણસ દરરોજ સાંજે છ વાગ્યે આવે છે તેની એને ખબર છે? લગ્નેતર સંબંધની ઝંખના અને અંતે થતો ઘટસ્ફોટ વાર્તાને જુદું પરિમાણ પૂરું પાડે છે. ર.