ગુજરાતી સાહિત્યકોશ ખંડ ૩/અનુક્રમ/મ/મહાકથા
મહાકથા : રુદ્રટે ‘કાવ્યાલંકાર’માં સૂચવેલો ગદ્યકાવ્યનો પ્રકાર. ઇષ્ટદેવની વંદના અને વંશવર્ણનથી આરંભાતી આ અનુપ્રાસયુક્ત કથામાં અન્ય કથા દ્વારા મુખ્ય કથાનો સંકેત આપી મુખ્ય કથા શરૂ થાય છે. કન્યાપ્રાપ્તિ કે રાજ્યપ્રાપ્તિ એ મુખ્યત્વે કથાની અંતિમ ફલશ્રુતિ હોય છે. પ્રાકૃત અને અપભ્રંશમાં પણ ગાથાછંદમાં આ પ્રકારની રચના થયેલી છે.
ચં.ટો.