હેમંત ધોરડાનાં ચૂંટેલાં કાવ્યો/બપોર પણ છે ને એ પણ ઉઘાડમથ્થો છે
બપોર પણ છે ને એ પણ ઉઘાડમથ્થો છે
જવાનો હોય નહીં ક્યાંય એમ ઊભો છે
એ ધ્યાન રાખે કે શ્વાસો ન ખાય ગડથોલાં
ખબર છે એને કે આગળ હવામાં ખાડો છે
એ જેમતેમ કરી કાપે છે કપિલ દિવસો
નજરમાં શ્વેત બરોબર હજી ય આખ્ખો છે
પડેલાં પાનમાં એ છો થતો રહે આપીત
ફૂટી નીકળતી કૂંપળમાં ધરાર લીલો છે
અશેકશે ભલે નીરવ હલે ચલે કે નહીં
શબદ જે સાચવી રાખ્યો છે તે એ બોલ્યો છે
છંદવિધાન
લગાલગા લલગાગા લગાલગા ગાગા/લલગા