ગુજરાતી ટૂંકીવાર્તાસંપદા/નીતા જોશી/છેવાડાનાં બે જણ: Difference between revisions

{{Heading|છેવાડાનાં બે જણ | નીતા જોશી}}

{{Poem2Open}}

‘આવા ટાણે આણીપા કેમના માસ્તર?’

‘માસ્તર, સમૈ ભારે બદલાય ગ્યો, માણહ બદલાઈ ગ્યા, આ પરવશતા ભારે ભૂંડી. કોઈ બે વેણ હાંભળવાં તૈયાર નથી.’

‘નાથા, કોઈ ઉપાડવાવાળું આવે એમ છે?’ માસ્તરે ધીમા અવાજે નાથાને પૂછ્યું.

‘ઢોરઢાંખર તો પહેલાંય ક્યાં હતાં? આ જ્યારથી દરવાજા પાસેનો કાચો રસ્તો પાક્કો બન્યો છે જુવાનિયાઓ બેફામ ફટફટિયા હંકારે છે. કાલ રાતે કોઈ ભૂંડને હડફેટમાં લેતું ગયું એટલે એ ફંગોળાઈને દરવાજા પાસે પડ્યું. કણસતું કણસતું વહેલી સવારે મર્યું હશે!’

‘હા… નાથા, એટલે જ ઉતાવળે આવ્યો છું. વળી આજે મારાં દીકરાનો દીકરો નચિકેતા આવવાનો છે. ઈ આવે એ પેલ્લા ઊપડી જાય તો સારું.’

‘માસ્તર ગાડું ગબડાવું સું, રોટલો-પાણી મળી રેય સે ને આ રોટલો સે તી વખત નીહરી ઝાય બાકી ઘર્યની માલીપા તો આખો દિ’ કાન પકવી દે એવો ગોકીરો હાલે. આયા બેઠો બેઠો માણહુનો આવરો-ઝાવરો ઝોયા કરું. જ્યાં લગણ જનગાની સે ત્યાં લગી હંધાય ખેલ ઝોવાના બાકી ઝુવો સો ને માસ્તર શરીર હાવ ખખડી ગ્યુ સ, પેલ્લીવાર બરકવા આઇવા સો ને આ હાથ જો ઝુઓ કેવો ધરૂજે છ.’ માસ્તરની નજર સામે જુવાન નાથો તરવરી ગયો બે વડવાયું જેવા હાથ જે અલમસ્ત મરેલ ઢોરને મસાણ સુધી ખેંચી લેતા આજે એ હાથ સાંઠીકડાની જેમ લબડે છે.

નાથાએ બે હાથ જોડી માસ્તરને કહ્યું હતું, ‘બાપજી, મારે લાયક જ્યારે કાંઈ કામ પડે ત્યારે હકમ ફરમાવજો. એક અવાજે હંધાય કામ પડતાં મેલી પૂગી ઝાઇહ.’

માસ્તરને મનમાં થયેલું તારું કામ તો નાથા મારે શું પડવાનું? મારે ક્યાં વાડી-વજીફા કે ઢોર-ઢાંખર છે? મારે જીભના જોરે જીવવાનું છે ને તારે કાંડાના જોરે, છતાં નાથાની મદદ લેવી પડે એવી બે-ત્રણ ઘટના બનેલી.

ભીમાએ કહ્યું હતું, ‘નહીં માસ્તર, ઈ નો બને… તમારું વરણ ને અમારું વરણ હાર્યોહાર્ય નહીં’. માસ્તર બધી માથાકૂટો પછી પણ સમજાવતા જ રહેલા જેના પરિણામે પાંચ વરસમાં પાંચ છોકરાઓને નિશાળ સુધી ખેંચી લાવવામાં સફળ થયેલા. એમાં નાથાની ઘણી મદદ લેવી પડેલી. એ સમયે આખા વાસમાં નાથાની દાદાગીરી રહેતી. શરીરે તાકાતવાળો અને મરેલા ઢોર ઊંચકવામાં લઠ્ઠા જેવો, ચામડું ઉતારવામાં માહિર. ચાર પેઢીથી વપરાતો છરો પતરાની પેટીમાં કપડામાં વીંટાળીને સાચવતો. પાક્કી કેરીની છાલ ઉતારે એમ ચામડું ઉતરડતો. આ પછીની બબાલ પણ કુનેહથી સંભાળી લેતો. સરખે હિસ્સે માલની વહેંચણી… વેપારી અને કારીગરો સાથે ભાવ-તાલની રકઝક… પૈસાની લેવડદેવડ આ બધું પતે પછી મોડી રાત્રે પેટ્રોમૅક્સ સળગે… પોટલીઓ ખૂલે… વળી એમાં આડાંઅવળું થાય તો મારામારી અને ગાળાગાળી, આ બધું સાચવી લેવાની જવાબદારી પણ નાથાની જ રહેતી એટલે જ ભીમો, વાઘજી, મેઘો બધા નાથાની સરખી ઉંમરના હોવા છતાં નાથાભઈ કહીને જ બોલાવતા.

નાથાએ માવજી આવ્યો કે નહીં એ જોવા ડોક ફેરવી પણ કોઈ દેખાયું નહીં એટલે પશલાની દીકરાની દીકરી શાંતુને બૂમ પાડી પણ એ મોબાઇલમાં વાતો કરવામાં મસ્ત હતી.

‘દેવજી, માવજી, કેશવ, દશરથ, અમરત, કંકુ, કેસર… કેટલાં નામ છે…’ એ પછી નશાએ ત્રીજા નંબરના છોકરાનું નામ દેવજી પાડેલું.

માસ્તર મગજમાં કોષ્ટક પૂરતા હોય એમ એનાં સપનાંઓ યાદ કરવા લાગ્યા. ઘરે ઘરમાં ભણતર, હરિયાળું ગામ, રમતનું મેદાન અને આ છેવાડાના વાસને ગૌરવવંતો ચહેરો આપવાની ઇચ્છા. આ છેલ્લું સપનું ભારે અઘરું હતું. થાનક ખસેડવાવાળી ઘટનામાં તો ગામમાં રહેવું ભારે થઈ પડેલું. નિશાળને અડીને જ માતાજીનું થાનક હતું. જો થાનકનું સ્થળાંતર થાય તો છોકરાઓ ત્યાં છૂટથી રમી શકે. વળી વાર-તહેવારે ધરાવાતો પ્રસાદ એની દુર્ગંધ નિશાળની અંદર ન પહોંચે. પણ આ વાતને કોઈ મચક આપવા તૈયાર નહીં. માસ્તરે વિનંતીના સૂરમાં વાત મૂકી. પણ માતાજીએ મેઘાના દેહમાં આવીને કહી દીધું કે મારું થાનક બદલશે એનું ધનોતપનોત કાઢીને રહીશ. માસ્તરે ગામનાં લોકો સામે વાત મૂકી ત્યારે એ સાંજે છરાની ચળકતી ધાર ધરીને મેઘો રસ્તાની વચ્ચે ઊભો રહી ગયેલો. ‘માસ્તર અમારા ધરમના મામલામાં વચ્ચે પડવાનું રેવા દો. નંઈ તો કાલ નંઈ ભાળો, હમજ્યા?’ માસ્તર ગાયની ચામડીની જેમ ધ્રૂજી ઊઠેલા. પછી નાથાને અને ભીમાને વચ્ચે રાખી મામલો માંડ થાળે પાડેલો. એ દિવસે કાશી ખૂબ બબડેલી, ‘આ તે કેવા સુધારાના ધખારા તમને ઊપડ્યા છે. તમે આ છેડાનાં માણસ અને એ ઓલા છેડાના માણસ… કાંઈક તો વિચારો.’

કાશી ટગર ટગર તાક્યા કરતી હતી માસ્તરના ચહેરાને… પછી બોલી હતી, ‘તમે ગમે એટલાં વાનાં કરશો તોયે બે છેડા ક્યારેય ભેગા નથી થવાના.’

‘સારું; તો કરો મથામણ, હું તમારી પે’લા ચાલી જાઉં તો યાદ કરજો કે કાશી, તું કહેતી હતી એ સાચું હતું.’

માસ્તરને એ સમયની ઘણી વાતો યાદ આવી. એ નાથા સાથે એક એવા સમયમાં પહોંચી ગયેલા જેમાં એની બધી સારી-નરસી ક્ષણો સંભારવી ગમે એવી હતી. બન્નેને મન એનો જ સમય સૌથી શ્રેષ્ઠ હોય એવું લાગતું હતું. નાથાને થતું હતું આજની નવી પેઢી સાવ ખોખલી અને કામચોર છે. અને માસ્તરને થતું હતું કે એ સમયે શિક્ષક માટેનો જે આદરભાવ હતો એ આજના છોકરાઓમાં ક્યાંય જોવા મળતો નથી.

‘માસ્તર, આ લાચારી તો જુઓ. તમી પેલ્લી વાર કાંઈક કામ પઈડું ને આઈવા ને હું ભૂંડો…’

‘દીકરા, એ જવાબ શોધવાની તો મથામણ કરું છું.’

‘નચિકેતા એની આછી ઊગેલી દાઢીમાં હાથ ફેરવી ઊભો થયો દાદાના ખભ્ભા ઉપર હાથ મૂકી બોલ્યો, ‘દાદા, ચિંતા કરો મા બધુંજ થઈ જશે. મને એ કહો દોરી અને કોથળો ક્યાં છે?’

‘અણગમતા કામ માટે આપણે ક્યાં સુધી કોઈની રાહ જોયા કરવાની? એ તો એને જેટલી ચીતરી ચડે એટલી જ મને ચડશે પણ આંગણું તો આપણું છે ને દાદા?’