ગુર્જર ગિરાનાં ચૂંટેલાં કાવ્યો/હું કહું તેમ કરો — નીતા રામૈયા: Difference between revisions

ગુર્જર ગિરાનાં ચૂંટેલાં કાવ્યો/હું કહું તેમ કરો — નીતા રામૈયા (view source)

Revision as of 01:54, 11 October 2024

2,737 bytes added , 01:54, 11 October 2024

Added poem

Meghdhanu

Interface administrators, Administrators

33,001

edits

@@ Line 2: / Line 2: @@
 {{Heading|હું કહું તેમ કરો-|નીતા રામૈયા}}
+{{Block center|<poem>હું કહું તેમ કરો
-PL SEE HARD COPY OF POEM FORWARDED
+ક્યારેય નહીં તો આજે તો કરો
+વધુ નહીં તો ખાલી આ પાના ઉપર
+તમારી આંખની ધારે ધાર કાઢતા આ શબ્દોને વાંચ્યા પછી
+હું કહું તેમ કરો.
+ક્યારેય નહીં તો આજે આ પાના ઉપર
+ડાકણનું પુંલિંગ કરો
+ડાકઘર આસપાસ હોય તો ભલે રહ્યું
+કણ એક માટે પરસેવો પાડો પણ
+ગમે તેમ કરીને ડાકણનું પુંલિંગ કરો
+એક લાજવાબ ઘર વિશે જવાબ આપો: વેશ્યાઘર
+તે સ્ત્રીનું ઘર કે પુરુષનું ઘર કે બંનેનું ઘર
+કાયદાનાં થોથાં ઉથલાવવાનું માંડી વાળો
+વેશ્યા જો સ્ત્રી હોય તો તેની પાસે જનાર પુરુષને
+કોઈ નામ આપો
+દામ આપીને કામ પતાવતા આ કામ—પંથીઓ માટે
+આ કરવા જેવું કામ છે
+ગૃહિણી અને ગૃહપતિનું કાર્યક્ષેત્ર નક્કી કરો
+છાપું વાંચ્યા પછી ચાના પ્યાલામાં વાવાઝોડું જોતા પુરુષને
+કૂકરમાં ભેગી થતી વરાળનું રહસ્ય સમજાવો
+અને સમજાવો તેને કે સ્ત્રીનું મગજ ક્યારેક
+ક્યારેક કૂકર જેવું બની જાય
+જો હૈયાની વરાળ ઠાલવવા જેવું પાત્ર તેને ન મળે તો
+આ પાત્ર એટલે કેવું પાત્ર તેની વ્યાખ્યા આપો
+પુરુષનું મંગળ ઇચ્છતી સ્ત્રી
+તેના નામનું સૂત્ર ગળે વીંટતી હોય તો
+સ્ત્રીનું મંગળ ઇચ્છતા પુરુષના
+ગળામાં કયું સૂત્ર શોભે
+તેની સવિસ્તર ચર્ચા કરીને
+બંધબેસતો ઉત્તર આપો
+ક્યારેય નહીં
+તો આજે તો આટલું કરો
+વધુ નહીં તો ખાલી આ પાના ઉપર.</poem>}}
 {{center|'''જાગ્યા ત્યારથી સવાર'''}}