અર્વાચીન ગુજરાતી કાવ્યસંપદા/ઊજમશી પરમાર/ઘટમાં ઝાલર બાજે

From Ekatra Wiki
Revision as of 09:43, 19 July 2021 by MeghaBhavsar (talk | contribs) (Created page with "{{SetTitle}} {{Heading|ઘટમાં ઝાલર બાજે| ઊજમશી પરમાર}} <poem> ઝીણી ઝીણી ઝાલર ઘટમાં બાજે...")
(diff) ← Older revision | Latest revision (diff) | Newer revision → (diff)
Jump to navigation Jump to search


ઘટમાં ઝાલર બાજે

ઊજમશી પરમાર

ઝીણી ઝીણી ઝાલર ઘટમાં બાજે ઘડી ઘડી,
દુનિયા આખી આજ અનોખા લયની મેડી ચડી.

પગલું મેલ્યે ધરતી ધબકે, ઉરના ઢોલ ધડૂકે,
અંધારેયે આંખ માંડતાં શત શત વીજ ઝબૂકે;
ધોમ ધખે ત્યાં અમી તણી આ વરસી ક્યાંથી ઝડી?

વણદેખી કેડીનાં કામણ કિયે મુલક લઈ જાતાં,
ચડી હિંડોળે વળતાં વ્હાણાં પંચમ સૂરે ગાતાં,
સાવ અજાણી આંખેથી મધઝરતી ભાષા જડી!
(ગુજરાતી કવિતાચયન — ૧૯૯૬, સંપા. નરોત્તમ પલાણ, પૃ. ૨૭)