રવીન્દ્રપર્વ/૧૦૧. કાન્ના હાસિર દોલ

૧૦૧. કાન્ના હાસિર દોલ

ક્રન્દન અને હાસ્યના હંડોિળાને ઝુલાવનારો પોષ-ફાગણનો પ્રસંગ હવે આવ્યો. એમાં હું જીવનભર ગીતની છાબને ધારણ કરીશ. એવી જ તારી ઇચ્છા છે ને? તેથી જ તેં મને સૂરથી સુગન્ધિત માળા પહેરાવી છે ને? તેથી જ મારી ઊંઘ ભાગી ગઈ છે? મનનાં બન્ધન તૂટી ગયાં છે? ચિરવ્યથાના વનમાં ઉન્મત્ત હવાના તરંગો ઊઠ્યા છે. મારાં દિવસરાતના સકળ અન્ધકારપ્રકાશ કંપી ઊઠ્યાં છે. એવી જ તારી ઇચ્છા છે ને? તેથી જ તેં મને સૂરથી સુગન્ધિત માળા પહેરાવી છે ને? (ગીત-પંચશતી)