કાવ્ય-આચમન શ્રેણી – હરિકૃષ્ણ પાઠક/૯. ગાંધીનામ
Revision as of 09:12, 14 December 2021 by MeghaBhavsar (talk | contribs) (Created page with "{{SetTitle}} {{Heading|૯. ગાંધીનામ|}} <poem> ગાંધીનામ ખરે ગપગોળા, મૂઈ ભેંસના મોટા ડોળા....")
૯. ગાંધીનામ
ગાંધીનામ ખરે ગપગોળા,
મૂઈ ભેંસના મોટા ડોળા.
શોધી શોધીને શું શોધ્યું –
ખાલી ખૂણો ખાંખાંખોળા.
ચ્હેરો રસ્તે એક મળે ના;
મળતાં મ્હોરાં ટોળાં-ટોળાં.
પડછાયાના જંગલ વચ્ચે
વાઘ-સિંહના રમતા ઓળા.
કાન કશુંયે ધરીએ શાને;
કોઈ કહે છો કાળા-ધોળા.
લાજીને પરપોટો ફૂટ્યો –
લાગ્યાં પાણી ડ્હોળાં ડ્હોળાં!
૧૯૭૦
(જળમાં લખવાં નામ, પૃ. ૩૮)