કાવ્ય-આચમન શ્રેણી – રઘુવીર ચૌધરી/તમે રે ગગનગોફે

૧૯. તમે રે ગગનગોફે

તમે રે ગગનગોફે ગુંજતા
અમે સૂકી ધરતીના તરણાની આશ રે.
તમે રે ઝીણેરું ઝરમર સીંચિયું
અંતર કણકણનું આજ તો ઉદાસ રે.
આવશો ઓરા તો ઊંડે ઊગશું
દઈશું ઉરમાં અવિચળ વાસ રે!
તમે રે તારક ઊંચે આછર્યા
અમે સૂના સરવરિયે અટકી અમાસ રે.
ખરતા ઉજાસે તીરથ પોઢિયાં
આવે દૂરનો અંધાર પાછો પાસ રે.
તમારા સંગાત માટે ઝૂરતા
ઘાટે ઘાટે ચિરંતન પ્યાસ રે!
૧૯૮૨

⁠(વહેતાં વૃક્ષ પવનમાં, પૃ. ૧૧)