હેમંત ધોરડાનાં ચૂંટેલાં કાવ્યો/કોઈનો ચહેરો ઊઠી પણ આવે આખર જોયા કર
Jump to navigation
Jump to search
કોઈનો ચહેરો ઊઠી પણ આવે આખર જોયા કર
કોઈનો ચહેરો ઊઠી પણ આવે આખર જોયા કર
શ્વેત કાગળ પર કોઈના શ્વેત અક્ષર જોયા કર
એમાં કોઈની લચક પળભર તો પળભર જોઈ લે
ટગટગર એકીટશે કંઈ એમ પથ્થર જોયા કર
શ્વાસ સાથે શ્વાસ કોઈના વણાવાના નથી
ઘાસનાં મેદાન પરથી સરતી સરસર જોયા કર
સાથ લથબથ કોઈનો તારા નસીબે ક્યાં હતો
તું અષાઢી સાંજ આખી ઝીણી ઝરમર જોયા કર
વહેણ ક્યારે પણ નથી વહેવાનું કોઈની તરફ
આમ નભમાં તેમ વાદળ સરતાં મંથર જોયા કર