છોડ
લેખક : હરિકૃષ્ણ પાઠક
(1938)
આજ મારા વાડામાં ઊગ્યો રે છોડ.
દેખાતો હોય ભલે વેઢથીય નાનો;
એને ઝાડવું થવાના છે કોડ,
આજ મારા વાડામાં ઊગ્યો રે છોડ.
પાણી સીંચું ને કરું નાનીશી વાડ,
કોઈ ચૂંટે ના પાંદડીની કોર,
જાગતાં ને નીંદરતાં ચોકી ભરું.
કોઈ ભૂલથી કરે ન તોડ-ફોડ.
આજ મારા વાડામાં ઊગ્યો રે છોડ.
આંબો કે આમલી હું કાંઈ નહીં જાણું,
એને બેસવાનો કો૨ કે મો’૨.
કાગડા ને કોયલ કંઈ ડાળ ડાળ ઝૂલશે;
ને ખીલવાના આઠે પહોર.
આજ મારા વાડામાં ઊગ્યો રે છોડ.