બાળ કાવ્ય સંપદા/રિમઝિમ

રિમઝિમ

લેખક : કાન્તિ કડિયા
(1950)

રિમઝિમ રિમઝિમ વ૨સી ફોરાં,⁠
ધરતી ૫૨ તો આવ્યાં છે.
કોણે આ ફોરાંના પગમાં,
ઝાંઝરિયાં પહેરાવ્યાં છે !

થાય મને કે દોડી દોડી,
આંગણમાં જઈ આવું હું.
સાવ ટબૂકલાં એ ફોરાંને,
ખોબામાં લઈ આવું હું.

કોણ દેશથી આવે ફોરાં ?
કોણ દેશ એ જાશે જી.
ઝળહળ ઝળહળ સૂરજ-તેજે,
મરક મરક મરકાશે જી.

કોણ તને મોકલતું ફોરાં ?
કોણ તને બોલાવે છે ?
અલકમલકથી આવી પાછું,
અલકમલક તું જાવે છે !