બાળ કાવ્ય સંપદા/મોર

મોર

લેખક : ગુલામ અબ્બાસ ‘નાશાદ'
(1949)

ધરતી પર સૌથી રૂપાળું
પંખી હું છું સૌથી ન્યારું,
મોર નામે ઓળખાઉં છું
લાગું સૌને ખૂબ પ્યારું.

પીછાં મારાં છે મનમોહક,
રાજમુકુટમાં એ શોભે
ધર્મ કર્મનાં સૌ કામોમાં
મારાં જ પીંછાંઓ પહોંચે.

મારી ઉપસ્થિતિમાં આખો
બાગ મ્હોરી મ્હોરી ઊઠે,
જોઈ કલાને નાચે હવા
મોસમ ઝૂમી ઝૂમી ઊઠે.

રૂપ આપ્યું જો કુદરતે
ભારતે ઇજ્જત બક્ષી;
નાનાં-મોટાં સૌને ગમતું
હું છું રાષ્ટ્રીય પક્ષી.