બાળ કાવ્ય સંપદા/પૂંછડિયો તારો
પૂંછડિયો તારો
લેખક : મયંક પટેલ
(1954)
આકાશે ઊગ્યો છે નવલી ભાતનો તારો !
કહે છે સૌ એને પૂંછડિયો તારો...
પડે છે વટ એનો સૌ તારાઓ વચ્ચે
અલગ ને અવનવો છે એ તારો !
ફૂમતા સરખું સુંદર છે નાનું માથું એનું,
પૂંછડી એની દૂર દૂર જતી દેખાય...
છે એ તો જાણે એક ઘરેણું આભનું !
કહે છે સૌ એને પૂંછડિયો તારો...
કરોડો માઈલનાં મારે એ મોટાંમોટાં ચક્કર
વર્ષોનાં વર્ષો પછી આભમાં એ દેખાય...
દેખાડો દેશે ક્યારે ફરીથી, કોને ખબર ?
કહે છે સૌ એને પૂછડિયો તારો...