કાવ્ય-આચમન શ્રેણી – પ્રજારામ રાવળ/અંધારાં તલખે રે

૨૧. અંધારાં તલખે રે

અધારાં તલખે રે તલતલ તેજને હો જી.
⁠કાળાં કાળાં કારાગાર,
⁠ભીંસે શૃંખલાના ભાર,
⁠બેવડ બાંધ્યા રે બંધિયાર!
અંધારાં વલખે રે પલપલ તેજને હો જી.
⁠સૂતેલાં રે અંગે એનાં
⁠ઊગ્યાં હજી ના રે નેનાં!
⁠નિતની ઘોરે ઘેરી રેના!
પુકારે પરમનાં છલછલ તેજને હો જી.
⁠‘આણ આસુરી આ જામી;
⁠જાતી નથી રે ઉથામી!
⁠જાણો તમે અંતરજામી!’
– આછા રે પુલકાટો દલદલ તેજને હો જી.
(‘નાન્દી’, પૃ. ૨૨)