ગુજરાતી ટૂંકી વાર્તાકોશ/ક/કાદવનાં કંકુ

કાદવનાં કંકુ

બકુલેશ

કાદવનાં કંકુ (બકુલેશ; ‘બકુલેશની વાર્તાઓ’, ૧૯૭૭) પાંડુ, આઈ અને ગૌરી મુંબઈની ચાલીમાં રહે છે. ગામડેથી કમાવા આવેલો દત્તુ પાંડુનો ભાઈબંધ છે. બંને ગટરસફાઈનું કામ કરે છે. ગૌરીનું મન દત્તુ તરફ ઢળે છે એ જાણી પાંડુમાં ઈર્ષાનો તણખો પડે છે. ગટરમાંનો ગૅસ દૂર કરવાનું ફાનસ ન ઉતારી એ દત્તુનો કાંટો કાઢી નાખે છે ને મિત્રદ્રોહની પાપગ્રંથિથી પીડાય છે. મજૂરોની વસાહતનું ચિત્રણ ધ્યાન ખેંચે છે.
ર.