ગુજરાતી ટૂંકી વાર્તાકોશ/ર/રેંકડીમાં

રેંકડીમાં

રામનારાયણ વિ. પાઠક;

રેંકડીમાં (રામનારાયણ વિ. પાઠક; ‘દ્વિરેફની વાતો’ ભાગ-૩, ૧૯૪૨) રેંકડી ખેંચતાં કંકુનાં માબાપ એકની એક દીકરીની આંગળી પાકી હતી અને એ ખોડંગાતી હતી એટલે રેંકડીમાં બેસવા કહે છે પણ પોતાનો ભાર માબાપ પાસે ખેંચાવવાનું વાજબી ન લાગતાં એ ઘરે જાય છે. રસ્તામાં નાનપણનો ગોઠિયો કાનિયો એને નવી રેંકડીમાં બેસાડી લે છે. આગળ જતાં કંકુ કાનિયાને પરણે છે. વાર્તાએ પ્રસન્ન યુગલની છબીને આલેખવાનું કાર્ય મુખ્ય ધાર્યું છે.
ચં.