અર્વાચીન ગુજરાતી કાવ્યસંપદા/મનહર તળપદા/તમે જ્યારે જ્યારે...
Jump to navigation
Jump to search
તમે જ્યારે જ્યારે...
મનહર તળપદા
તમે જ્યારે જ્યારે મુજ નયનમાં જાવ ફરકી
ઢળેલી સાંજોનું રૂપ ગગનમાં જાય પસરી
પછીતે બેઠેલું મિલન રજનીના સ્વપનમાં
હસીને ધીરેથી દિવસવનમાં ઓગળી જતું.
અને ચોપાસેથી રૂમઝૂમ થતાં નૂપુર તણા
રવોમાં નાહીને ભરતી સીમનો શ્વાસ લીલવો
પણે આંબાડાળે સમય નીડની દેવચકલી
હવામાં ખંખેરે અસલ ક્ષણનો થાક સઘળો.
ફરીથી પોઢેલાં વિવસ સમણાં જાગ્રત બને,
ક્ષિતિજેથી પાછાં ફરી મધુર ગૈ કાલ લઈને
ખરે છે અંધારે...
તમે જ્યારે જ્યારે મુજ નયનમાં જાવ ફરકી.
(ભીનાં અજવા ળાં, ૧૯૮૦, પૃ. ૧૦)