ગુજરાતી ટૂંકી વાર્તાકોશ/ન/ના ખપે

ના ખપે

દલપત ચૌહાણ

ના ખપે (દલપત ચૌહાણ; ‘ગુજરાતી નવલિકાચયન: ૧૯૯૯’, સં. યોગેશ જોષી, ૨૦૦૧) વતનના ગામમાં ઘર કરાવવા ઇચ્છતા દલિત નાયકને ત્યાં કડિયો ડાહ્યાભાઈ એના ઘરનાં ચા-પાણી ન પીવાય એટલે અલગથી પૈસા માંગે છે. એની આ મનોવૃત્તિથી અકળાઈને નાયક બીજાને કામ સોંપે છે. બીજી બાજુ મેનામાનો રામજી મળવા આવે છે ત્યારે નાયક એને ચાની રકાબી ધરે છે તો રામજી ‘મને તારી ચા ન ખપે’ એમ કહી બીજે દિવસે છાસવારો હોવાથી છાસ લેવા કોઈને મોકલવાનું કહે છે ત્યારે નાયક આક્રોશપૂર્વક બોલી ઊઠે છે ‘જા ને દિયોર, તારી છાસ અમને ના ખપે.’ દલિત-સવર્ણ વચ્ચેના વ્યવહારભેદ અને ગ્રામીણ પરિવેશનું નિરૂપણ અહીં રોમાંચક છે.
પા.