બાળ કાવ્ય સંપદા/દરિયો એ લાવ્યા

દરિયો એ લાવ્યા

લેખક : જિતેન્દ્ર પ્રજાપતિ
(1987)

આંગણામાં પંખીઓ ચણવાને આવ્યાં;
કલ૨વનો જાણે કે દરિયો એ લાવ્યાં...(૨)
આંગણામાં...

ટેહૂક... ટેહૂક કરતા મોરલાઓ આવ્યા;
મોરલાઓ આવ્યા, સાથ ઢેલને લાવ્યા...(૨)
આંગણામાં...

રામ રામ કરતા બે પોપટ પણ આવ્યા;
પોપટ તો આવ્યા, સાથ મેનાને લાવ્યા...(૨)
આંગણામાં...

સફાઈ કરતા ઓલ્યા કાગડાઓ આવ્યા
કાગડા તો આવ્યા, સાથ કાગડીને લાવ્યા...(૨)⁠
આંગણામાં...

શાંતિના દૂત એવાં કબૂતર આવ્યાં;
કબૂતર આવ્યાં, સાથ કબૂતરીને લાવ્યાં...(૨)
આંગણામાં...

ચકચક કરતા ચક્કાઓ આવ્યા;
ચક્કાઓ આવ્યા સાથ ચકલીઓને લાવ્યા. .(૨)
આંગણામાં...