બાળ કાવ્ય સંપદા/નામ શું તારું

નામ શું તારું

લેખક : ઉમાશંકર જોશી
(1911-1988)

નામ શું તારું?
અંજુમંજુ નીનામીના રુચિરશિશિર રાહુલમેહુલ
કેરુલ મારું નામ.

ગામ શું તારું ?
અલકાપુરી મલકાપુરી રૂપનગરિયા રંગનગરિયા
દુનિયા આખી દુનિયા મારું ગામ.

કામ શું તારું ?
કૂદંકૂદા દોડમદોડી પકડાપકડી કુસ્તીમસ્તી ધમ્માચકડી
ગાવુંરમવું રમવુંગાવું એસ્તો મારું કામ.

ધામ શું તારું ?
ગમ્મતવાડી રમ્મતવાડી ગીતવાડી પ્રીતવાડી
આનંદ બસ આનંદ બસ આનંદ મારું ધામ.