અથવા અને/પિએરોનું Flagellation જોતાં
પિએરોનું Flagellation જોતાં
ગુલામમોહમ્મદ શેખ
પાણીમાં સાકરના પિંડ શી ઇમારત
ડગલામાં ઢગલો,
મોભી
ધીંગા, મૂંગા,
મકાન શ્વસે ભૂરી નસે
ખૂણેખૂણે ઠાંસેલી કોરી હવા.
નિ:શબ્દ ઓરડે
છેલ્લી સજાનો તખ્તો તૈયાર
જલ્લાદનું ચાબુક ઊપડ્યું તેવું ચોંટી ગયું.
છતના ખપાટિયેથી ટપકતો
અંધારે બોળેલ અંબાર
ઊભેલા સૌની આંખોમાં ઓગળી ગયો
ત્યારે
ઈસુએ ફરી હા ભણી પીડ વ્હોરવાની.
પેરુજિયા, ૩-૯-૧૯૯૪; વડોદરા, ૧૯-૧૧-૨૦૦૯
અને