અનુનય/હદપાર: Difference between revisions
Jump to navigation
Jump to search
હેલી પછી
(+1) |
(No difference)
|
Latest revision as of 00:31, 27 April 2024
હદપાર
ઊગતા સૂરજના દેશમાંથી
હદપાર થયેલો હું
તારાઓના અંધકારમાં વહું છું –
આ વહ્યા કરવાની લાગણી અને હું...
પૃથ્વી અને આકાશ વચ્ચે
મારી અગતિમાં
હું મોજાં ઉપર મોજાં કાપું છું –
આ કાપ્યા કરવાની લાગણી અને હું...
ઊગતા સૂરજના દેશભણી
આંખો માંડીને
ભૂતયોનિમાં ભળી ગયેલો હું
અવળે પગે ચાલ્યા કરું છું –
આ ચાલ્યા કરવાની લાગણી અને હું...
આકાશ અને પૃથ્વી અને પ્રકાશ અને
અંધારું અને બીજું અને ત્રીજું...
એટલે
ઊગતા સૂરજના દેશમાંથી
હદપાર થયેલો હું.
૨૪-૧-’૭૫