અર્વાચીન ગુજરાતી કાવ્યસંપદા/રમણીક સોમેશ્વર/ગીત (પારેવું તો ઊડી...)
Revision as of 10:41, 28 October 2021 by KhyatiJoshi (talk | contribs)
ગીત (પારેવું તો ઊડી...)
રમણીક સોમેશ્વર
પારેવું તો ઊડી ગયું
ને ફફડ્યા કરતું નેવું
ખિસકોલીને અડી ગઈ તે ભીંત હજુયે કંપે,
પીંછાં ભેળું ખરી ગયેલું આભ ડાળીએ જંપે;
કરોળિયાના જાળા વચ્ચે કીડી ઝૂલે એવું—!
ભમરો ગુંજનમાં લઈ ઊડે મધુમાલતી આખી,
મધપૂડાની વચ્ચે રોપે પરાગરજ મધમાખી;
ઝીણું ઝીણું ઝમ્યા કરે ચોમેર ચાંદની જેવું —!
પારેવું તો ઊડી ગયું
ને ફફડ્યા કરતું નેવું!
શબ્દસૃષ્ટિ, મે