કાવ્ય-આચમન શ્રેણી – માધવ રામાનુજ/૬. રાધા પત્ર લખે છે...
Revision as of 02:36, 10 November 2022 by Kamalthobhani (talk | contribs) (Created page with "{{Heading|૬. રાધા પત્ર લખે છે}}<br> <poem> ગોકુળમાં કોક વાર આવો તો કાન, {{Space}} {{Space}} હવે રાધાને મુખ ના બતાવશો; ગાયોનું ધણ લઈને ગોવરધન જાવ ભલે, {{Space}}{{Space}} જમુનાને કાંઠે ના આવશો. {{Space}} તાંદુલની પોટલીએ પૂનમની રાત {...")
૬. રાધા પત્ર લખે છે
ગોકુળમાં કોક વાર આવો તો કાન,
હવે રાધાને મુખ ના બતાવશો;
ગાયોનું ધણ લઈને ગોવરધન જાવ ભલે,
જમુનાને કાંઠે ના આવશો.
તાંદુલની પોટલીએ પૂનમની રાત
ભલે બાંધીને આવો ગોકુળમાં,
અડવાણે નૈં દોડે કોઈ અહીં,
વિરહાનાં રાજ નહીં જીતો ગોકુળનાં;
સમરાંગણ તમને તો શોભે હો શ્યામ,
વગર હથિયારે ત્યાં જ તમે ફાવશો!
પાંદડે કદમ્બના, પાંપણની ભાષામાં,
લખી લખી આંખ હવે ભરીએ;
જમનાનાં જળ, તમે દેજો હાથોહાથ
માધવને દ્વારકાના દરિયેઃ
લખિતંગ રાધાના ઝાઝા જુહાર...
શ્યામ, અંતરમાં ઓછું ના લાવશો!
૧૯૭૦
(અંતરનું એકાંત, પૃ. ૪૨)