કાવ્ય-આચમન શ્રેણી - પ્રહ્લાદ પારેખ/૩૧. તારો ઇતબાર
Revision as of 07:05, 24 June 2022 by MeghaBhavsar (talk | contribs) (Created page with "{{SetTitle}} {{Heading|૩૧. તારો ઇતબાર|પ્રહ્લાદ પારેખ}} <poem> તારો ઇતબાર જેને, તારો ઇત...")
૩૧. તારો ઇતબાર
પ્રહ્લાદ પારેખ
તારો ઇતબાર જેને, તારો ઇતબાર તેને :
આ પારે શું વા સામે પાર,
જેને તારો ઇતબાર !
શાને આ ભીતર એવું, શાને એ બા’રે કે’વું ?
એક તુંબીના બેઉ તાર.
જેને તારો ઇતબાર !
લઈ લેજે તારી પાસે, – માગે એવું શાની આશે ?
સરખાં વૈકુંઠ ને આ સંસાર,
જેને તારો ઇતબાર !
તરશે કે ડૂબશે હોડી, દિયે એ ઉચાટ છોડી :
એવા વળી શાને ભરે ભાર,
જેને તારો ઇતબાર !
(બારી બહાર, પૃ. ૧૪૧)