View source for ગુજરાતી ગઝલસંપદા/ અશોકપુરી ગોસ્વામી

{{SetTitle}}

{{Heading| અશોકપુરી ગોસ્વામી |}}

<poem>
દરિયો હતો, હોડી હતી, ને ખારવો હતો
એવે સમે ખુદા તને પડકારવો હતો.<br>
એવા પ્રયાસમાં હું સતત જીતતો ગયો,
જીતેલ દાવને ફરીથી હારવો હતો.<br>
રણમાંય મજા થાત; ખામી આપણી હતી,
રણને જ આપણે બગીચો ધારવો હતો.<br>
જીત્યાનો અર્થ હાર પણ ક્યારેક થાય છે,
એવી જ હારથી તને ઉગારવો હતો.<br>
ઊંચકી શકું, એનાથી વધુ ભાર લૈ ફર્યો,
થોડોક ભાર, હે ગઝલ! ઉતારવો હતો.<br>
</poem>

{{HeaderNav2
|previous = 2
|next = 4
}}