યાત્રા/ચલી આવે
Revision as of 09:30, 22 November 2022 by MeghaBhavsar (talk | contribs) (Created page with "{{SetTitle}} {{Heading|ચલી આવે| }} <poem> ચલી આવે, ચલી આવે, {{space}} સપનાંની સુરખી સમી. {{space}} ફુલડાંની સુરભિ સમી. આવે આવે એની કુંકુમપગલી, શ્વાસે શ્વાસે એને ફોરમઢગલી, ગુંજી કુંજી ઊઠે કુંજગલી મોરી, {{space}} રાધાના તલસ...")
ચલી આવે
ચલી આવે, ચલી આવે,
સપનાંની સુરખી સમી.
ફુલડાંની સુરભિ સમી.
આવે આવે એની કુંકુમપગલી,
શ્વાસે શ્વાસે એને ફોરમઢગલી,
ગુંજી કુંજી ઊઠે કુંજગલી મોરી,
રાધાના તલસન સમી.
ચલી આવે, ચલી આવે.
વાટે વાટે એની પર લો હું ભાળું,
ઘાટે ઘાટે એની નૌકા નિહાળું,
શિખરે શિખરે એની ધજાઓ લહરતી,
આશાના ઈજન સમી.
ચલી આવે. ચલી આવે.
અંગે અંગે એની શાતા સમાધિ દે,
નાડી નાડી એના ધબકારા ધરબી દે,
રોમે રોમે એની રટણા વિચરતી,
રંભાના નરતન સમી.
ચલી આવે, ચલી આવે.
માર્ચ, ૧૯૪૩