અર્વાચીન ગુજરાતી કાવ્યસંપદા/બકુલેશ દેસાઈ/પગરવોની પાનખર
Revision as of 13:11, 27 October 2021 by KhyatiJoshi (talk | contribs)
પગરવોની પાનખર
બકુલેશ દેસાઈ
એમના આવ્યા વગર,
લો, ટકોરા દ્વાર પર!
વેદના છે ઘાવમાં,
ફૂંકની કેવી અસર!
પથ્થરોથી ચેતજો!
કાચનું આ શ્વાસઘર!
આંખ તો લાગ્યા કરે,
આંસુઓનું માનસર!
સાદ કોને પાડવો?
જે દીવાલોનું નગર!
નેજવે બળતી પળો :
પગરવોની પાનખર!
શ્વાસના આકાશમાં —
રક્તવરણી છે ટશર.
(અવાન્તર, ૧૯૮૩, પૃ. ૩૫)