અર્વાચીન ગુજરાતી કાવ્યસંપદા/`લલિત'/મઢૂલી

From Ekatra Wiki
Jump to navigation Jump to search
મઢૂલી

લલિત

મઢૂલી મઝાની પેલે તીર, સંતો વ્હાલા!
                  અનેરી અમારી એ લગીર! — મઢૂલી.

વૃક્ષો વેલડીઓવાળાં, કુમળાં ફળફૂલ રસાળાં,
         લઈ જાવ લ્હાણ એ લગીર, સંતો વ્હાલા!

મનની કૈં મોજમજાઓ, રસિયા ઉરનાે કૈં લ્હાવો,
         લેવાને આવજો લગીર, સંતો વ્હાલા!

સામે સંસારી વિલસે, વચ્ચે જીવનસરિતા વ્હે,
         રેલવિયે ત્યાં રસરંગ લગીર, સંતો વ્હાલા!

ઊડવાય સફર સહિયારી, સુખદુ :ખની કંથા ધારી,
         આનંદ ઑર એ લગીર, સંતો વ્હાલા!

લગની સ્હેવા સ્હાવાની, ગીતડાં પ્રભુનાં ગાવાની,
         લાગે તો આવજો લગીર, સંતો વ્હાલા!

મઢૂલી મઝાની પેલે તીર, સંતો વ્હાલા!
                  અનેરી અમારી એ લગીર!

(લલિતનાં કાવ્યો, ૧૯૧૮, પૃ. ૫-૬)