અર્વાચીન ગુજરાતી કાવ્યસંપદા/પ્રહલાદ પારેખ/હવા
Jump to navigation
Jump to search
હવા
પ્રહલાદ પારેખ
આવે છે હવા
મુક્ત હવા, મસ્ત હવા,
મનને મારા ક્યાં રે લઈ જવા? — આવે છે.
વાદળ કેરું ધણ હલાવી,
હેલે સાયર નીર ચડાવી,
વાંસવને કૈં સૂર બજાવી,
ફૂલ હીંચાવી આવતી,
આવતી પ્રેરતી મારા પાયને નાચવા. — આવે છે.
ચાલ, કહે એ, મનવા, ચાલ,
છોડી દઈ સહુ બંધ-જાળ
એક તારેથી તારલે બીજે
આભમાં દેવા ફાળ!
શિખરે શિખરે સાગરની રે આવ ને ઘૂમવા! — આવે છે.
(સરવાણી, ૧૯૪૮, પૃ. ૨૦)