અર્વાચીન ગુજરાતી કાવ્યસંપદા/સુખી હું તેથી કોને શું?

સુખી હું તેથી કોને શું?
દુખી હું તેથી કોને શું?    ૧

જગતમાં કંઈ પડ્યા જીવ,
દુખી કંઈ, ને સુખી કંઈક!    ૨

સઉ એવા તણે કાજે
ન રોતા પાર કંઈ આવે!    ૩

કંઈ એવા તણે કાજે,
પિતાજી, રોવું તે શાને?    ૪

હું જોવા કંઈ તણે કાજે,
પિતાજી રોવું તે શાને?    ૫

નહીં જોવું! નહીં રોવું!
અફળ આંસું ન ક્યમ લ્હોવું?    ૬

ભુલી જઈને જનારાને,
રહેલું ન નંદવું શાને?    ૭

સુખી હું તેથી કોને શું?
દુખી હું તેથી કોને શું?    ૮