કાવ્યમંગલા/વાદળી

વાદળી

સોનેરી વાદળી,
રૂપેરી વાદળી,
ઉતરી રે કહાન મારે તળાવ

સન્ધ્યાપ્રભાતના રંગ ભરી પાંખે,
સૂરજનાં આંજણાં આંજીને આંખે,
સાગરને હૈયે આળોટી એ વાદળી,
અમ્રતના ગર્ભ ધરી
ઉતરી રે કહાન મારે તળાવ.

સૂકાં તળાવ, મારાં સૂકાં સરોવરો,
સૂકાં કમળદળ, સૂકો આ વાયરો, ૧૦
સૂનાં આકાશ મૂકી નાઠી’તી વાદળી,
ધરતીનો ફેર ફરી
ઉતરી રે કહાન મારે તળાવ.

નાનું તળાવ મારું પાણીડાં છલકે,
ભીનો પવન, કમળ આછેરાં મલકે,
દુનિયાનાં આંસુડાં લોતી એ વાદળી
મલકંતી પ્રેમભરી
ઉતરી રે કહાન મારે તળાવ.

(૧૦ મે, ૧૯૩૧)