કાવ્ય-આચમન શ્રેણી – બાલમુકુન્દ દવે/૨૩. રંગ રંગ હોળી

From Ekatra Wiki
Jump to navigation Jump to search


૨૩. રંગ રંગ હોળી

બાલમુકુન્દ દવે

રંગ રંગ હોળી
ગુલાલ રંગ હોળી

ખેલોજી થોડી થોડી
હો લાલ રંગ હોળી
ગુલાલ રંગ હોળી.

વનવાયરે હીંચોળી,
નવમંજરીએ કૉળી,
સોહાગની રંગોળી,
હો લાલ રંગ હોળી

ગુલાલ રંગ હોળી.
ખેલોજી થોડી થોડી
હો લાલ રંગ હોળી
ગુલાલ રંગ હોળી.

અંગ અંગ ઓઢી
હો પ્રીતની પટોળી,
જોબંનમાં ઝબોળી
હો લાલ રંગ હોળી

ગુલાલ રંગ હોળી
ખેલોજી થોડી થોડી
હો લાલ રંગ હોળી
ગુલાલ રંગ હોળી.

(બૃહદ્ પરિક્રમા, પૃ. ૭૩)