કાવ્ય-આચમન શ્રેણી – રામનારાયણ વિશ્વનાથ પાઠક ‘શેષ’/૫૦. હરિ મારે

૫૦. હરિ મારે

હરિ મારે ગયા રે જનમની પ્રીત
⁠ભૂલી ના ભુલાયે હરિ
હરિ મારે એવાં તે કશાં રે સચિંત
⁠બિન્દુય ના ઝિલાયે હરિ
હરિ મારે ભર્યા રે જગતમાં નહિ કોઈ
⁠જેને હું સંભળાવું હરિ
હરિ તમે સુણો કે ન સુણો તોય એક
⁠તમારી પાસ ગાવું હરિ
હરિ પણ એકની એક જ એ વાત
⁠તેમાં શું હવે કથવું હરિ
હરિ કર્યો એવો રે માનવસંઘાત
⁠છૂટાં પડીને મથવું હરિ.
હરિ મારે ગયા રે જનમની પ્રીત
⁠ભૂલી ના ભુલાયે હરિ.

(વિશેષ કાવ્યો, પૃ. ૬૫)