કાવ્ય-આચમન શ્રેણી – સુરેશ દલાલ/મારો અનંત સાથે નાતો

૪૮. મારો અનંત સાથે નાતો

હું શિશિર-વસંતનાં ગીત ભલેને ગાતો
⁠— મારો અનંત સાથે નાતો
ઓટ અને ભરતીને હું તો જોતો સાક્ષીભાવે
મારી આ આંખોની સામે સમદરનું રૂપ આવે
વાદળને હું જોઉં ભલે પણ આકાશે બંધાતો
⁠— મારો અનંત સાથે નાતો.
ફૂલની સાથે આંખ મળે પણ ફોરમ સાથે જીવ
પંખીઓ તો ગમે મને પણ ટહુકા ગમે અતીવ
ભમરાઓ તો ભમ્યા કરે
⁠પણ ગુંજનને હું બાગ ભરીને ચ્હાતો
⁠— મારો અનંત સાતે નાતો.

૨૧-૨-૧૯૯૩⁠(ઍક્વેરિયમ, ૧૯૯૩, પૃ. ૮૩)