ધ્વનિ/પીળી છે પાંદડી ને કાળવો છ બાજરો

૭. પીળી છે પાંદડી ને કાળવો છ બાજરો

પીળી છે પાંદડી ને કાળવો છે બાજરો,
સોહ્ય છે રે ઝાઝો સવારથી ય સાંજરો.

ઝાકળિયે બેસું હું તો ય રે બપોર લાગે
⁠આસો તે માસના અકારા,
આવડા અધિકડા ન વીત્યા વૈશાખના
⁠આંબાની ડાળ ઝૂલનારા;
હું તો
⁠અંજવાળી રાતનો માણું ઉજાગરો :
પીળી છે પાંદડી ને કાળવો છ બાજરો.

કોસના તે પાણીના ઢાળિયાનું વ્હેણ મને
⁠લાગે કાલિંદરી જેવું,
આંબલીની છાંય તે કદંબની જણાય મારા
⁠મનનું તોફાન કોને કે’વું?
⁠મેં તો
⁠દીઠો રાધાની સંગ ખેલંતો સાંવરો:
પીળી છે પાંદડી ને કાળવો છ બાજરો.
૨૪-૪-૩૮