પરમ સમીપે/૪૬

૪૬

રોજેરાજ હું પ્રાર્થના કરું છું —
હે ભગવાન,
જે કામ કરવાની મારી ઇચ્છા ન હોય, તે કામ
કરવા માટે મને ફરી શક્તિ આપો.
‘શા માટે?’ — એમ પૂછ્યા વિના આજ્ઞાધીનપણે નમવાની,
સત્યને ચાહવા ને સ્વીકારવાની
અને જૂઠાણાને ધુત્કારી કાઢવાની
આ ટાઢીહિમ દુનિયા સામે
⁠આંખમાં આંખ માંડીને જોવાની
સ્પર્ધામાં જેઓ મારાથી આગળ નીકળી જાય
⁠તેમને માટે આનંદ મનાવવાની
મારો બોજો આનંદથી, ભય વિના ઉપાડવાની
અને જેમને મારી મદદની જરૂર હોય
તેમના ભણી હાથ લંબાવવાની,
હું શું છું — તેનું માપ
હું શું આપું છું તેના પરથી કાઢવાની
⁠મને શક્તિ આપો, ભગવાન!
⁠જેથી હું સાચી રીતે જીવી શકું.

અજ્ઞાત