બાળ કાવ્ય સંપદા/અંદોરો કંદોરો
Jump to navigation
Jump to search
અંદોરો કંદોરો
લેખક : સુરેશ દલાલ
(1932-2012)
કોઈ આઘો કોઈ ઓરો ભાઈ
અંદોરો કંદોરો બાઈ;
સોયની સાથે દોરો ભાઈ
અંદોરો કંદોરો બાઈ !
ફૂલની જેવા ફોરો ભાઈ
અંદોરો કંદોરો બાઈ;
અમરતનો કટોરો ભાઈ
અંદોરો કંદોરો બાઈ !
બળબળતા બપ્પોરો ભાઈ
અંદોરો કંદોરો બાઈ;
વનમાં પળનો પોરો ભાઈ
અંદોરો કંદોરો બાઈ !
કોઈ મોરો કોઈ તોરો ભાઈ
અંદોરો કંદોરો બાઈ;
કોઈનો કાગળ કોરો ભાઈ
અંદોરો કંદોરો બાઈ !