બાળ કાવ્ય સંપદા/આપણી ટોળી
Jump to navigation
Jump to search
આપણી ટોળી
લેખક : મકરન્દ દવે
(1922-2005)
આપણી ટોળી ! ઝિન્દાબાદ !
આપણી ટોળી ! ઝિન્દાબાદ !
આપણી ટોળી ! સાબદી હાકે,
આપણી ટોળી ! ક્યાંય ન થાકે,
મોજ-મજા કે, વીજ-કડાકે !
હાસ-હીંચોળી ! ઝિન્દાબાદ !
આપણી ટોળી ! ઝિન્દાબાદ !
આંખ મળે ત્યાં તો અજવાળાં,
કોઈ ગોરાં તો કોઈ છે કાળાં,
રંગબેરંગી, નિરનિરાળાં
ફૂલની ઝોળી ! ઝિન્દાબાદ !
આપણી ટોળી ! ઝિન્દાબાદ !
અંગારા છો આભથી ઝરે,
આપણી ટોળી હાકલા કરે,
ઘૂમતી એ તો ઘરે ઘરે !
પ્રેમ ઝબોળી ! ઝિન્દાબાદ !
આપણી ટોળી ! ઝિન્દાબાદ !
હોય દિવાળી, હોય છો હોળી,
આપણી ટોળી ! ઝિન્દાબાદ !