બાળ કાવ્ય સંપદા/વરસે વરસાદ
Jump to navigation
Jump to search
વરસે વરસાદ
લેખક : રામુ પટેલ ‘ડરણકર'
(1954)
વરસે વરસાદ આજ ટપક ટપક !
છોકરાંઓ ઝીલે એને લપક લપક !
વાદળીઓ દોડે ખુલ્લા આકાશમાં,
ઝાલું ઝાલું ને થાય છટક છટક !
પડે વરસાદ જો ધોધમાર ધોધમાર,
ફોરાં વાગે ત્યારે ચટક ચટક !
ખુલ્લા મોઢામાં ફોરાંઓ પડતાં,
પાણી પીએ સૌ ઘટક ઘટક !
પાણીમાં છબ..છબ પાણીમાં ધબ..ધબ,
મમ્મી લઢે તો આંખ ડબક ડબક !
જાવું નિશાળ મારે આવજે કાલે,
આજે તો આટલેથી અટક અટક !