મંગલમ્/કેસૂડાનાં ફૂલ વીણવા
Jump to navigation
Jump to search
કેસૂડાનાં ફૂલ વીણવા
હાલો હાલો કેસૂડાનાં ફૂલ વીણવા
ઓલ્યા ફાગણની મીઠી સુગંધ ઝીલવા
હે…હે…ડુંગરે ડુંગરે કેસરિયો રંગ
ઊંચેરો શીમળે લાલ લાલ રંગ
હે…હે…આવળે પાથર્યો પીળો તે રંગ
આખા તે વગડે કેવો ઉમંગ
હે…હે…ઊડે પતંગિયાં ફૂલે-ફૂલે
ગુંજતા ભમરા કેળ ઝૂલે
હે…હે…વાયુએ વલ્લરી ડોલતી જાય
નવા અંકુરો ઝગમગ થાય
હાલો…હાલો…કેસૂડાનાં ફૂલ વીણવા